Еліміздің басым бөлігінде атмосфералық ауа ағындарының өтуіне байланысты кей жерлерде жаңбыр жауады, оңтүстікте найзағай жарқылдайды. Сонымен бірге, кейбір аймақтарында жел күшейіп, батысында тұман түседі, деп хабарлайды Baq.kz ақпарат агенттігі Қазгидрометке сілтеме жасап.

Қызылорда облысының кей жерлерінде желдің жылдамдығы 15-20, екпіні 23-28 м/с-қа дейін жетеді.
Алматы, Ақмола, Жамбыл, Маңғыстау, Қостанай, Солтүстік Қазақстан, күндіз Түркістан, Ақтөбе, Шығыс Қазақстан, Қарағанды облыстарының кей жерлерінде 15-20 м/с жылдамдықпен жел соғады.
Түнде және таңертең Атырау облысының кей жерлерінде тұман түседі.
Түркістан, Маңғыстау облыстарында, Қызылорда, Жамбыл облыстарының басым бөлігінде, Атырау, Алматы, Ақтөбе, Қарағанды облыстарының кей жерлерінде өрт шығу қаупі бар.