Атмосфералық ауа ағындардың өтуіне байланысты республиканың басым бөлігінде найзағай жарқылдап, жаңбыр, бұршақ жауады. Елдің оңтүстігінде шаңды дауыл соғады, деп хабарлайды Baq.kz ақпарат агенттігі Қазгидрометке сілтеме жасап.
Түнде және таңертең еліміздің солтүстік жартысында тұман түседі.
Солтүстік Қазақстан, Қарағанды облыстарында желдің жылдамдығы 15-20, кей жерлерінде 23-28 м/с жетеді. Күндіз бұршақ жаууы мүмкін.
Ақмола, Павлодар, Шығыс Қазақстан, Түркістан облыстарында дауыл тұрып, тұман түседі. Мұнда да күндіз бұршақ түсуі мүмкін.
Қостанай, Алматы, Жамбыл облыстарының кей жерлерінде желдің жылдамдығы 15-20 м/с, түнде және таңертен тұман түседі.
Қызылорда, Түркістан облыстарының басым бөлігінде, Жамбыл, Ақтөбе, Атырау, Маңғыстау, Қостанай, Қарағанды облыстарының кей жерлерінде өрт қаупі сақталады.
Baq.kz