Жастар тазалықты жақтайды
Жастардың табиғатқа деген махаббатын ояту мақсатында кент орталығында тазалық шарасы өтті. Шараның өтуіне аудандық ішкі саясат бөлімінің «Жастар ресурстық орталығы» және «Береке жастар» қоғамдық бірлестігі ұйытқы болды.
«Тазалық-ауыл көркі» тақырыбын арқау еткен іс-шараны ұйымдастырудағы басты мақсатымыз – жастарды еңбекке баулу, олардың табиғатқа деген жанашырлығын арттыру, бойындағы патриоттық сезімін қалыптастыру, ауданымыздың көркеюіне, абаттануына, тазалануына жұмыла үлес қосу,– дейді аудандық «Жастар орталығы» КММ-нің басшысы Айдана Маманова.
Акцияға барлық мекеме, аудан және ауыл жастары қатысты. Акцияға қатысушылар Ағыбай батыр көшесін күл-қоқыстан тазартып, көркейту жұмыстарын жүргізді. Еңбек мерекесі соңында А.Маманова жастарға алғыс айтып, алдағы уақытта да көпшілік болып атқаратын осындай жұмыстардан, мəдени-көпшілік шаралардан шет қалмауға шақырды.
Дина ӘБІЛАСАН.
