Сапалы дайындық – нәтиже кепілі
Ағымдағы жылдың 21-24 қыркүйек күндері аралығында №270 Ғ.Мұхамеджанов атындағы мектепте аудандық «ENGLISH WORD» және республикалық «QAZBILIM» орталығының бірлесуімен «ҰБТ-ға дайындалудың тиімді жолдары» атты оқушылар мен мұғалімдерге арналған үш күндік семинар-тренинг өтті.
Қазіргі білім беру жүйесінің мақсаты - бәсекеге қабілетті маман дайындау. Осы орайда, оқушылардың мектеп қабырғасында алған білімі сыналар сәт, яғни ҰБТ-ге дайындығын пысықтап, білімін жетілдіру мақсатында ұйымдастырылған семинарға ҰБТ тестін құрастырушы мамандар мен ҰБТ оқулықтарының авторлары қатысты. Нақтырақ айтар болсақ, респуликалық «QAZBILIM» орталығының директоры Аятжан Ахметжан, аталмыш орталықтағы жоғары санатты тарих пәнінің мұғалімі Оразбек Әбсаттар, математика пәнінің мұғалімі Қайрат Бекболат, биология пәнінің мұғалімі Несібелі Махат 3 күнге созылған тренинг барысында оқушылар мен ұстаздарға тиімді, жеңіл тәсілдерді үйретіп, тәжірибелерімен бөлісті.
«Өкен өңір» ақпарат.
