Өскен өңір Osken-onir.kz ақпараттық агенттігі
» » ӘУЕЖАЙ «ҚОРҚЫТ АТА»: СЕРПІНДІ ЖОБАЛАР

ӘУЕЖАЙ «ҚОРҚЫТ АТА»: СЕРПІНДІ ЖОБАЛАР



Сыр елінің әуе қатынастарында да серпінді жобалар мен жетістіктер жетерлік. Бүгінгі күні Қызылорда әуежайы арқылы аптасына барлығы 28 тұрақты рейс орындалып, Астана, Алматы, Атырау, Қарағанды қалаларына әуе байланысы ұйымдастырылған. 2018 жылдың І-жартыжылдығы бойынша әуежайдан 46,4 мың жолаушы жөнелтілген. Бұл туралы облыс әкімінің орынбасары Серік Сүлейменовтің мәлімдемесінен белгілі болды.Қазақстан Республикасы Үкіметінің 2014 жылғы 24 қазандағы №1134 қаулысымен «Қорқыт Ата әуежайы» АҚ халықаралық ұшуларды қамтамасыз етуге рұқсат берілді.
- 2018 жылдың 16 шілдесінен бастап аптасына 4 рет жиілігімен халықаралық «Мәскеу-Қызылорда-Мәскеу» рейсі ашылды. Қызылорда қаласындағы жаңа әуежай терминалының құрылысы жобасын мемлекеттік-жекешелік әріптестік механизмі арқылы іске асыру жоспарланып отыр, - дейді облыс әкімінің орынбасары Серік Сүлейменов.
Ағымдағы жылдың 30 шілдесінде екі кезеңдік рәсімдерді пайдалана отырып, жекеше әріптесті анықтау үшін қайта конкурс өткізу туралы мемлекеттік, орыс және ағылшын тілдеріндегі хабарландыру ҚО ЖКжАЖБ, Қызылорда облысы әкімдігінің, «Қазақстандық МЖӘ орталығы» АҚ-ның, «KAZAKH INVEST» ҰК» АҚ-ның интернет-ресурстары мен баспасөз басылымдарында жарияланды.
Бүгінгі күні, аталған конкурска «BI - Industrial» ЖШС-і қызығушылығын танытты. Қазіргі таңда, бұл «BI - Industrial» ЖШС-і жобаның техникалық ұсынысын әзірлеуде.
18 тамыз 2018 ж. 1 064 0