ЖАҢА МРТ – ЖАҢА МҮМКІНДІК
Сәрсенбі күні Шиелі ауданына ҚР Парламенті Сенатының депутаттары Нұртөре Жүсіп пен Руслан Рүстемов және облыстық денсаулық сақтау басқармасының басшысы Олжас Ыскаков келді. Олардың қатысуымен Мемлекет басшысы Қасым-Жомарт Тоқаевтың тапсырмасына сәйкес қабылданған «Ауылдық денсаулық сақтауды жаңғырту» пилоттық ұлттық жобасы аясында МРТ аппараты іске қосылды.Магнитті-резонансты томограф аппараты ендігi жерде күнiне шамамен 20 тұрғынның диагнозын дәл анықтауға сеп болады деп күтілуде.
Айта кетейік, Шиелі ауданында ұлттық жоба аясында 8 дәрігерлік амбулатория, 30 төсектік инфекциялық және инсульт бөлімшесі бар ауруханаға қосымша құрылыс салынды. Сондай-ақ аймақ басшысының қолдауымен 30 санитарлық автокөлік берілді.
«Өскен өңір» ақпарат
