ШИЕЛІ ТҰРҒЫНДАРЫНЫҢ ТІЛЕКТЕРІ ТЫҢДАЛДЫ
Кеше Шиелі ауданында аймақ басшысы Нұрлыбек Нәлібаев, Парламент Мәжілісіндегі «AMANAT» партиясы фракциясының мүшесі Мұрат Әбенов, партияның облыстық филиалының төрағасы Алмасбек Есмаханов құқық қорғау органдарының бірінші басшыларымен бірге жеке қабылдау өткiзiп, тұрғындардың сауалдарына жауап берді.
Қабылдау барысында аудан тұрғындары Шиелі кентінен салынатын "Жайлы мектеп" құрылысы, "Ауыл аманаты" бағдарламасымен несие алу мүмкіндіктері туралы, жергілікті басылымның дамуына мемлекеттік қолдау көрсету барысы бойынша өтініш – тілектерін білдірді.
Тұрғындар тарапынан көтерілген мәселелер жан-жақты зерттеліп, құзырлы органдарға ұсыныстар берілетіні айтылды. Сондай-ақ, кейбір өтініштер бойынша қолданыстағы заңнамаларға сәйкес түсіндірме жұмыстары жүргізілді.
