Жақында «Amanat» партиясының Қызылорда облыстық филиалының атқарушы хатшысы Ләйла Төрешева аудандық филиалда партия, еңбек ардагерлерін, белсенділерін қабылдап, аталған партияның атқарушы хатшысы Д.Кәрібектің Алғыс хатын табыстады. Кездесуде аудандық ардагерлер кеңесінің төрағасы Өркен Исмаил мен аудандық қоғамдық кеңес төрағасы Қабілеш Бекішев, аудандық «Өскен өңір» газетінің бас редакторы Нұрболат Пірімбет марапатталып, өз пікірлерімен бөлісті.
Қоғамдық ұйымдар мен салалық құрылымдар, партия филиалдары арасында бірлік пен ізгілік, қоғамдық оптимизм мен өзара ынтымақтастық қалыптасқанын тілге тиек еткен Ләйла Бегалықызы партия жұмысының жандануына жылы лебізін білдірді. Өміршең жобалар мен идеологиялық бағыттағы көпшілік шаралардың маңыздылығына тоқталған Өркен Әзімханұлы бата беріп, жиынды қорытындылады.