Алматы облысында екі жасөспірім тауға шығып, адасып кеткен
Алматы облысында тауға шығып, адасып кеткен 17 жастағы екі жасөспірім құтқарылды, деп хабарлайды Egemen.kz. ТЖМ мәліметінше, жас туристер биіктігі 3050 метр болатын Фурманов шыңына көтерілген. Тауда адасқан жасөспірімдер ұялы телефон арқылы 112 нөміріне қоңырау шалып көмек сұраған. «Іздестіру-құтқару жұмыстарын жүргізу барысында ҚР ТЖМ Республикалық жедел-құтқару жасағының жедел тобы Алматы қаласының құтқару қызметімен бірлесіп адасқан азаматтарды «Панорама» шыңындағы құтқару лашығынан тапты», делінген хабарламада.
Құтқарушылар жас туристерді қауіпсіз жерге түсіріп, ата-аналарына тапсырды.
