Іс-шараны аудан ардагері Есімов Ғани, су шаруашылығының үздігі Әлияр Сейітов, аудандық әйелдер кеңесінің төрайымы, Шиелі ауданының құрметті азаматы Найля Палымбет, Бәйтерек ауылдық округі әйелдер кеңесінің төрайымы Ұлмекен Назарбекова, Керделі ауылдық округі әйелдер кеңесінің төрайымы Разия Ысқақов ашып, кездесудің маңыздылығын, алдыңғы аға буын мен артынан ерген жастарға өнегелі өсиеттерін айтты.

Кездесу барысында ақ күріштің атасы Ыбырай Жақаев ауылының "Асыл әжелер" ансамблі өнер көрсетті.

Қоғамдық даму бөлімінің басшысы Кенжехан Есенбаев кездесуге келген қазыналы қарттарымызға, ақ жаулықты аналарымызға, жастарға арнайы алғысын білдірді. Сонымен қатар, “12 тамыз - Халықаралық жастар күніне” арналған облыс әкімінің орынбасары Шахмардан Баймановтың алғыс хатын Тұран ауылдық округінің бас маманы Нұрберді Бердімұратқа табыстады.

Кездесу соңында Жастар ресурстық орталығының директоры Ержан Әбдешов жастар орталығының көгалдандыруына ақыл-кеңесін айтып, бағыт бағдар берген ардагер Әлияр Сейітовқа шапан жауып, алғыс хат табыстады.

Сыр елі жайнап жасара берсін!

Шиелі жастарының шоқтығы биік болсын!