Сәтбаевтағы жасөспірімдер төбелесі: Екі жігіт жарақат алды
20 тамызда түнгі уақытта Сәтбаев қаласында кәмелетке толмағандар жанжалдасып, 2 жасөспірім жараланды, деп жазады Egemen.kz. Облыс полициясы оқиғаның барлық қатысушысын жедел анықтаған. Жанжал кезінде 16 жастағы жасөспірім 16 және 17 жастағы екі балаға пышақ сұққан. Қазіргі уақытта күдікті уақытша ұстау изоляторына қамалды. Осы факт бойынша қылмыстық іс қозғалып, тергеу жүргізіліп жатыр. Сонымен қатар жанжалға қатысушы жасөспірімдердің ата-аналары бала тәрбиелеуде өз міндеттерін орындамағаны үшін әкімшілік жауапкершілікке тартылған.
