Мерген қызымыз Александра Ле Олимпиада ойындарының финалына шықты

Күні кеше пневматикалық винтовкамен 10 метрден нысана көздеуден жұптық кездесуде қола алған мергенші қызымыз Александра Ле бүгін жекелей сында финалға шықты, деп хабарлайды Egemen.kz.

Іріктеу кезеңінің қорытындысы бойынша отандасымыз алтыншы орынға жайғасты. Алдын ала кезеңнің қорытындысы бойынша ең үздік деп танылған сегіз спортшы финалға өтті. Ал Арина Алтухова 17-ші орыннан көрінді. Ертең 29 шілдеде медальдар сарапқа салынатын болады. Айта кетейік, бір күн бұрын аралас командалар арасындағы жарыста Александра Ле Ислам Сәтбаевпен бірге үшінші орын алған болатын.