“Білім - бұл кез келген табыстың іргетасы. Сендердің биік мақсаттарға жетуге деген талаптарың мен табандылықтарың қуантады. Мектеп қабырғасында белсенді болып, өздеріңізден кейінгі оқушыларға үлгі бола білгендеріңіз үшін алғысымды білдіремін. Биылғы жылы 186 мың мектеп бітіруші өмірлеріндегі жауапты сәтке қадам басқалы отыр. Әрқайсыларыңыз алдағы емтиханды сәтті тапсырып, өз мақсаттарыңызға қол жеткізесіздер деп сенемін. Сіздерге білім жолында үнемі ізденіс пен талпыныс, табыс пен сәттілік тілеймін”,- деді Ғани Бейсембаев.

Кездесу кезінде Қызылорда қаласындағы Әли Мүсілімов атындағы 101 мектеп-лицейінің “Алтын белгі” үміткері Зиядин Айгерім өз жетістіктері туралы айтып, болашаққа жоспарларымен бөлісті, министрге сұрақтарын қойды, пікір алмасты. Сапалы білім алу мүмкіндігін беріп, қолдау танытқан еліміздің үкіметіне алғысын білдірді.