ҚР ОҚУ-АҒАРТУ МИНИСТРІ ШИЕЛІ АУДАНЫНЫҢ ҰСТАЗДАРЫМЕН КЕЗДЕСТІ

Сапар барысында Ғани Бейсембаев Шиелі ауданындағы Ы.Алтынсарин атындағы № 219 орта мектепке барып, білім саласында атқарылып жатқан жұмыстармен танысты. Мектеп ғимаратын аралап, асханасы мен спорт зал ішіндегі спорт үйірмелерінің жетістіктерін тамашалады. Мектеп музейін, кітапханасын және демеушілер есебінен жабдықталған акт залын аралап көрді. Білім ошағында Жаңақорған, Шиелі аудандарының педагог-шебер, зерттеуші ұстаздарымен кездесу ұйымдастырылып, саланың өзекті мәселелері талқыланды.