Байқау барысында С.Майқанова жайлы бейнефильм көрсетіліп, әйел-аналар образының галереясын қалыптастырған ана жайлы Меруерт Жомартованың қатысуымен қойылған прологқа ұласты.

Байқауға Қазалы, Жалағаш, Жаңақорған, Қармақшы, Сырдария, Шиелі аудандарынан 18-45 жас аралығындағы барлығы 9 үміткер қыз-келіншектер қатысты.

Байқауды Қызылорда облысының халық шығармашылығын дамыту және мәдени продюсерлік орталығының «Мәдени-демалыс жұмыстарын ұйымдастыру» бөлімінің меңгерушісі, Қазақстан Республикасы мәдениет саласының үздігі Ғазиза Жүнісова ашып беріп, С.Майқанованың өмір жолына тоқталып, қатысушы үміткерлерге сәттілік тіледі.

Тартысты өткен байқау нәтижесінде Бас жүлде қармақшылық Шакарова Гүлфаризаға, І орын жалағаштық Қоқымбай Шынарға, ІІ орын шиелілік Ысқақова Айнұрға бұйырса, қазалылық Сапар Динара мен жаңақорғандық Сәдуова Балжан ІІІ орынды өзара бөлісті.