Құлсарыда 2,5 мың ғимарат су астында қалды, мың бала эвакуацияланған
![Құлсарыда 2,5 мың ғимарат су астында қалды, мың бала эвакуацияланған](https://egemen.kz/media/2024/04/05/facebook_1712323836012_7182006714681981167.jpg)
Төтенше жағдайлар министрлігі Атырау облысы Құлсары қаласындағы соңғы ахуалды жариялады, деп жазады Egemen.kz. 5 сәуір түнгі 22.45-тегі жағдай бойынша Құлсарыда 2500-ге жуық жеке тұрғын үй мен әкімшілік ғимаратты су басқан. Құтқарушылар және өзге де тартылған күш-құралдар халықты эвакуациялауды жалғастырып жатыр. Осы сағатта 4 мыңнан астам адам, оның ішінде 1 мыңнан астам бала қауіпсіз жерге көшірілген. Еске сала кетелік, бұдан бұрын тасқын судың қаупіне байланысты Жылыой ауданында төтенше жағдай жарияланды.