Наурыз мерекесін тойлаудың жаңа форматына сәйкес, «Наурызнаманың» онкүндігі аясында 17 наурыз – Шаңырақ күні болып аталып өтіледі.Қазақта қара шаңырақ киелі ұғым болғандықтан, халқымыз шаңырақты әрдайым қастерлеп өткен. Себебі, осы шаңырақ арқылы ұлтымыздың тамыры тереңге жайылып, ынтымағымыз берік сақталды.


Фото: Облыс әкімдігі

Шаңырақ күнінде отбасы құндылықтары кеңінен дәріптеледі. Ұлттық киім киген жастардың неке қию салтанаты өтеді, көпшілікке сыйлы ақсақалдар «Наурыз бата» береді.
Бұған қоса, қала және аудан әкімдеріктерінің ұйымдастыруымен 50 жыл отасқан отбасылар арасында «Алтын шаңырақ», 25 жыл отасқан жанұялар арасында «Күміс кереге» атты ауқымды байқаулар өткізіледі.
Сонымен қатар, Отбасы орталығында «Жарасымды жанұя» отбасылық танымдық шара ұйымдастырылып, береке-бірлігі жарасқан жанұялар көпшілікке насихатталады.Сондай-ақ, дәл осы күні жаңа туған сәбилердің ата-аналарына «Наурыз базарлық» естелік сыйлықтар беріліп, арнайы құттықтаулар жолданады.