14 НАУРЫЗ - КӨРІСУ КҮНІ
Бұл күні адамдар бұрынғы өкпе-ренішін кешіріп, бірі-біріне амандық-саулық тілейді. Қыстан аман шыққанына қуанып, қол алысады.Бұл күнді Көрісу күні деп атаудың да өз себебі бар. Көктем келгенде – қыстан аман шыққан ағайын-туыс бір-бірімен кездесіп, әулеттің үлкеніне сәлем беріп, көрісіп, «Қосқан жасың құтты, ғұмырың ұзақ болсын» деген тілек айтқан. Бұл – үлкенге ізет, кішіге құрмет көрсететін, адамдардың бір-біріне ізгілік амалдарымен көмек көрсететін, сыйластық пен ауызбіршілікті арттыратын мереке.
