Елордадан бір түнде 23 мың текше метрден астам қар шығарылды
Елордада қарқынды қар тазалау жұмыстары жалғасып жатыр. Коммуналдық қызмет тәулік бойы күшейтілген режимде жұмыс істейді.Бұл туралы қалалық әкімдіктің баспасөз қызметі хабарлады.
Әкімдіктің мәліметінше, 4 наурыз күні таңертең қала бойынша қар тазалау бойынша 2,1 мыңнан астам жол жұмысшысы және 1,2 мыңнан астам арнайы техника жұмыс істеп жатыр.
3 наурыздан 4 наурызға қараған түні қаладан 1,88 мың ауыр жүк көлеміне тең 23,4 мың текше метрден астам қар шығарылған. Қыс басынан бері қаладан полигондарға 423,2 мың рейс, 5,7 миллион текше метр қар шығарылды.
Фото: Коммуналдық инфрақұрылымды дамыту басқармасы
