Өскен өңір Osken-onir.kz ақпараттық агенттігі
» » «10 игі іс»: елордалық отбасыларға азық-түлік пен киім-кешек сертификаты берілді

«10 игі іс»: елордалық отбасыларға азық-түлік пен киім-кешек сертификаты берілді


Фото: Алматы қаласы әкімдігінің бапасөз қызметі

Тәуелсіздік күніне орай «Жанұя» отбасы институтын қолдау орталығында «10 игі іс» акциясы аясында көмекке мұқтаж отбасыларға киім-кешек пен азық-түлік сатып алу үшін сертификаттар табысталды, деп хабарлады Halyq Uni тілшісі.

Астана қаласының әкімдігі баспасөз қызметнің мәліметінше, азық-түлік пен киімдер сатып алуға болатын сыйлық сертификаттарын «Kaspi med» ЖШС әзірлеген.

Тәуелсіздік мерекесіне орай мұқтаж жандарға азық-түлік пен киім алу үшін сертификат түріндегі сыйлықтармен көмектесу туралы шешім қабылданды. Біз 300 отбасыға азық-түлік себетіне және заттар сатып алуға болатын сертификаттарды жеке-жеке дайындадық. Компаниямыз мүмкіндігі шектеулі жандарға тауар жеткізумен айналысады. Яғни, Kaspi med компаниясының миссиясы – мүгедек адамдардың өмір сүру сапасын жақсарту және өмірін жеңілдету. Біз алдымен сапалы тауарларды қолжетімді бағамен жеткіземіз, - деді компанияның бас есепшісі Әйгерім Тайжанова.



Іс-шараға «Жанұя» орталығының жетекшілігімен 30 отбасы қатысты.

Мен 6 баланың анасымын. Үлкенім – 19 жаста, университетте оқиды. Екінші балам сегізінші, үшінші балам бірінші сыныпта оқиды. Ал одан кейінгі қызым балабақшаға барады. Ары қарай егіз балаларым бар. Олар ақпан айында екі жасқа толады. Оларды «Жанұя» орталығы балабақшаға орналастыруға көмектесті. Бүгін жұбайым екеуміз арнайы шақырылып, бізге сертификаттар табысталды. Қала әкімдігі мен «Жанұя» орталығына алғысымызды білдіреміз. Айта кету керек, бұл бір реттік акция емес, біз бұл жерден үнемі түрлі көмек алып тұрамыз, – деді астаналық Гүлмира Хаджисмаилова.



«Жанұя» отбасы институтын қолдау орталығы мүгедек балаларды тәрбиелеп отырған көпбалалы, толық емес, әлеуметтік аз қамтылған отбасыларға және мүмкіндігі шектеулі адамдарға кешенді консультациялық қызметтер көрсету, сондай-ақ отбасы институтын нығайтуға бағытталған іс-шараларды ұйымдастыру және іске асыру мақсатында құрылған.
15 желтоқсан 2023 ж. 113 0