ҚАРИҒА ТЕМІР ТҰЛПАР МІНГІЗДІ
Қасиетті Рамазан айында Шиелі аудандық Орталық мешітіндегі 2020 жылы ашылған «Шиелі қайырымдылық» медресесінде шәкірттерге дәріс берген Дүйсенбеков Сейілхан қариға жамағат атынан авто көлік сыйға берілді.
Сонымен қатар, қариларға мешіттің атынан қаржылай сый-сияпат табысталып, Алтынбеков Абдрахман ағамызды бас имамның алғыс хатымен марапаттады.
“Біз Құран жаттап және оны өзгеге жаттатып жүрген жанның еңбегін дүниелік затпен құнына жете алмаспыз, дегенмен адамның көңілі жасайтын қызметіне тікелей әсер етеді.
Жаратушы Иеміз тек жақсылыққа мінгізсін, демеуші жандардың дүниеде дін қызметкеріне мінгізген көлігі, ақыретте сырат көпірінен алып өтер көлігі болуын нәсіп етсін!”,- деді бас имам.
