Қайырымдылық – көмекті қажет етушілерге білдірілетін сүйіспеншілік пен нақты көмек. Ізгіліктің айнасы болған қайырымдылық адамның асыл қасиеттерінің бірі болып табылады. Сондай-ақ, адамның айналасындағыларға деген ықыласы мен көмегін адамгершілік қарым-қатынасын білдіретін ерекше құндылық. Ал, осындай ізгілікті іс халыққа қызмет етіп отырған үлкен ұжымның атымен жасалып жатса, тіпті керемет емес пе?!
Аптаның сәрсенбісінде Шиелі аудандық сотының судиясы Г.Құрманбай бастаған ұжым  аудандық сот ұжымы материалдық жағдайы аз қамтылған отбасына арнайы барып қайырымдылық шарасын өткізді. Балаларды қорғау күні мерекесі қарасаңында ұйымдастырылған аталмыш шара сот ұжымы атынан адрестік көмек көрсетілді. Г.Құрманбайқызы кішкентай бүлдіршіндерді мерекелері­мен құттықтап, оларға зор денсаулық тіледі. Өз кезегінде жалғыз басты ана көрсетілген көмекке отбасы атынан алғысын жаудырып, ұжымның жұмысына табыс тіледі.
«Өскен өңір» ақпарат.