Домбыраға басын иген талай асқақ, алыптар,

Домбыраның әуені әркез еркін көкте қалықтар.

Шиелі кенттік "Арман " мәдениет үйінде Ұлттық домбыра күніне орай "Домбыра күні - ұлттың үні" атты мерекелік шара өтті. Аталмыш шарада халқымыздың ұлттық аспабы домбыраның шығу тарихы жайлы көрініспен ашылды. Аудан әкімінің орынбасары Есмаханов Алмасбек Әбілқасымұлы мерекемен құттықтап, жылы лебізін білдірді. Сонымен қатар Абылайхан Ысқақовтың «Ақмешіт» , Ә.Желдібаевтың «Ерке сылқым» күйлері орындалып, дәстүрлі әншілер блогы жырдан шашу шашты. "Арман" би тобы би композияциясын тарту етсе, К. Дүйсекеевтың "Домбыра туралы балладаны" Дүйсебай Меруерт шырқады. Шара соңы "Жеті нота" ән және вокал үйірмесінің шәкірттерінің әнімен қорытындыланды .