Кеше аудан әкімдігінде аудандық мәслихаттың кезектен тыс 23 сессиясы өтті. Жиында қаралған басты мәселе – өңірдің әкімшілік-аумақтық басқару схемасын бекітіп, сайлау комиссиясының құрамын толықтыру болды.
Алдымен алғашқы мәселе бойынша аудан әкімінің орынбасары А.Жандарбековтың әкімшілік-аумақтық басқаруға өзгеріс енгізу туралы баяндамасы тыңдалды. Нәтижесінде енді мәслихат шешіміне сәйкес ішкі саясат бөлімі – қоғамдық даму бөлімі деп атауын өзгертеді. Одан бөлек жиында аудандық мәдениет пен спорт бөлімдерін және ауыл шаруашылығы мен жер қатынастары бөлімдерін біріктіру туралы шешім шығарылды.

Басқосудағы келесі мәселе – сайлау комиссиясының құрамын толықтыру бойынша мәслихат хатшысы Тұрмағанбет Жағыппаров сөз алды. Депутаттардың ашық дауыс беруі нәтижесінде аудандық сайлау комиссиясының мүшесі болып «Ұлт бірлігі» этнобағытталған қоғамдық бірлестігінің атынан Эльмира Бурабаева сайланды.