Өскен өңір Шиелi аудандық қоғамдық-саяси газет
» » Ауырмайтын жол ізде

Ауырмайтын жол ізде

Қазақ халқында «ауырып ем іздегенше, ауырмайтын жол ізде» деген тәмсіл бар. Расында көктем шығып, жаздың ыстығы сезіле бастаған тұста адам денсаулығы да сыр бере бастайды. Сондықтан да дәрігерге жүгініп, кеңес алған артықтық етпейді. Осыған орай жуырда Шиелі ауданаралық ауруханасының бас дәрігері Нұрлан Әмірдің бастамасымен орталық базарда орналасқан «Аль-Тайр» сауда орталығының алдында «Қауіп-қатер факторларының алдын алу» акциясы өтті.
Аталған акцияға ауданаралық аурухананың жастар денсаулық бөлімінің дәрігері Лаура Аширова бастаған ақ халаттылар келді. Ондағы мақсат аудан тұрғындарын зиянды әдеттерден темекі, ішімдік, артық салмақ, жоғары қан қысымы, холестериннің жоғары болуы, гинекологиялық аурулар, тері аурулары, көз аурулары, қатерлі ісік ауруларын алдын алу бағытында жалпы тәжірибелік дәрігерлердің кеңесін алу.
– Еліміздің ұзақ мерзімді «Қазақстан-2050» даму стратегиясының ең маңызды басымдықтарының бірі денсаулық, білім алу мен Қазақстан азаматтарының әл-ауқатын арттырып, салауатты өмір салты мәдениетін қалыптастыру болып табылады. Осы орайда бүгінгі акцияның берері мол. Халықты салауатты өмір салтын ұстануға шақырып, денсаулығына баса мән беру керекпіз, – деді Л.Аширова.
Орталық алаңға жиналған халықтың қарасы көп. Олар мобильді жылжымалы МЕДКАР-У көлік кешенінде узи аппараты, экг аппараты, рентген, гинеколог, көз көру аппараттары арқылы аудан тұрғындары мен қонақтары медициналық жолдамасыз-ақ дәрігерлерге қаралып, түрлі диагностикалық тексерулерден өтіп, тегін жедел-анализдер тапсыруға мүмкіндік алды. Аудан тұрғындарына түсіндірме жұмыстары жүргізіліп, үнпарақшалар таратылды. Акция аясында 120 аудан тұрғыны тәжірибелі дәрігерлердің тексеруінен өтті.

Ш.Тілеубаев
29 сәуір 2022 ж. 414 0

PDF нұсқалар мұрағаты

№64 (9021)

12 тамыз 2022 ж.

№63 (9020)

09 тамыз 2022 ж.

№62 (9019)

06 тамыз 2022 ж.

Жаңалықтар мұрағаты

«    Тамыз 2022    »
ДсСсСрБсЖмСбЖс
1234567
891011121314
15161718192021
22232425262728
293031 
  • Акимата Кызылординской области
  • Сайт президента
  • Нұрлы жол
  • Рухани Жаңғыру
  • Жаңғыру 30
  • Egov
  • Digital Kazakhstan
  • Нақты қадам