Жөлек ауылының тұрғындары белсенділік танытуда

Сайлауда Жөлек ауылының тұрғындары да белсенділік танытуда.

Жөлек ауылындағы клуб үйі ғимаратында орналасқан №275 сайлау учаскесіне сайлаушылар таңғы сағат 7.00-ден ағыла бастады.

Аталған учаскеде сайлаушылардың еркін қозғалып, дауыс беруі үшін оңтайлы жағдайлар жасалған.

№275 сайлау учаскесіне алғаш боп келген жас сайлаушы Ажарбибі Серікбаева да өзі таңдаған үміткерге дауыс берді. Сайлаушылардың алды боп келген оған арнайы сыйлық ұсынылды.

–Мен өзімнің жүрек қалауыммен таңдаған үміткерге дауыс бердім. Жарқын болашақ – жастардың қолында. Еліміздің ертеңі үшін қолымыздан келгенді аянбауымыз керек. Менің таңдауым – маңызды, өзімді Отанымның патриотымын деп есептеймін, – дейді А. Серікбаева.