ҰЛЫСТЫҢ ҰЛЫ КҮНІНДЕГІ ҚАЙЫРЫМДЫЛЫҚ
Тәуелсіздіктің 30 жылдығы және «Қайырымды істер марафоны» жалпыұлттық жобасы аясында ұлыстың Ұлы күні – Наурыз мерекесіне орай, «Наурыз мейірімі – қайырымдылық керуені» атты қайырымдылық шарасы ұйымдастырылды. Жұма күнгі игілікті шара аудан әкімдігінің бастамасымен «Гежуба Шиелі Цемент» ЖШС, өндірістік мекемелер мен демеушілердің және еріктілердің көмегімен әлеуметтік аз қамтылған 200 отбасыға азық-түлік себеттерін тарту етті.
Мереке қарсаңында әрбір отбасыға таратылған әлеуметтік себетте ең қажетті азық: ұн, күріш, макарон, май, қант, шай және т.б. өнімдер бар.
«Қайырымды істер марафоны» аясындағы қайырымдылық шаралары алдағы уақытта да жалғасатын болады.
Ақбота МҰРАТҚЫЗЫ
