Қызылордада көп балалы жас аналар қатары көбейіп келеді
![](/uploads/posts/2018-03/medium/1520399058_n2l.jpg)
Қызылорда қаласында төрт және одан да көп балалы жас аналар қатары көбейіп келеді. Қазір олардың саны 3600 адамға жуықтады, деп хабарлайды ҚазАқпарат тілшісі. Бұл мәлімет Қызылорда қаласы әкімі Нұрлыбек Нәлібаевтың 8 наурыз - Халықаралық әйелдер күні мерекесіне орай өткізген нәзік жандыларды қабылдау шарасында айтылды. Жалпы, Сыр өңірі баланың дүниеге келуі жөнінен елімізде алдыңғы қатарда келеді. Бір ғана Қызылорда қаласында бүгінде 3 мыңнан астам Батыр ана бар. Сондай-ақ, Қызылорда қаласында жасы 100-ден асқан 2 кейуана тұрады. «Қазіргі таңда қала әкімдігіне қарасты құрылымдарда 209 мемлекеттік қызметкер болса, олардың 50 пайызға жуығы нәзік жандылар. Сонымен қатар, қалалық мәслихаттың хатшысы, әкімдікке қарасты 4 дербес бөлімді және қала әкімі аппаратында 2 бөлімді нәзік жандылар басқарып отыр», деді Қызылорда қаласының әкімі Нұрлыбек Нәлібаев.
inform.kz