Дүйсенбі күні Қызылорда қаласында өткен «Жастар күні» облыстық байқауында №1 қалалық кітапхана көрме ұйымдастырды. Кітап көрмесіне Сырда туған сырбаз ақын Әбділдә Тәжібаевтың туындылары мен дәстүрлі жыр керуенінің көш басында тұрған Маханбетқали Тұрсановтың «Сырдың бас ақыны» кітаптары қойылды. Көпшілік кітап сөресіндегі қос тұлғаның туындыларымен танысқаннан кейін, Ердәулет Қалиевтің Ә.Тәжібаевқа арнаған өлеңдерін тыңдады. Одан кейін Қ.Әнуар, А.Баянбаева, Р.Оралбек, Н.Рахметов сынды оқушылар сұлу Сырдың бойында дүниеге келген Ә.Тәжібаевтың жақұттай жарқын жырларын оқыды.