"Қауіпсіз тағам таңда" акциясы өтті

Шиелі кентінде орналасқан "Қазына" сауда үйінде сатушылар мен тұтынушыларға арналған аудандық тауарлар мен көрсетілетін қызметтердің сапасы мен қауіпсіздігін бақылау басқармасы мамандарының қатысуымен «Қауіпсіз тағам таңда!» және «Ұнды фортификациялау» тақырыптарында акция өтті.

Мақсаты - базарларда, сауда үйлерінде, сауда қатарларында жиналатын халық пен жеке кәсіпкерлер, сатушылар арасында жеке бас және қоғамдық гигиенаны сақтау, жедел ішек, тамақтан улану ауруларының алдын алу, фортификацияланған ұнның пайдасын түсіндіру, жеке кәсіпкерлер мен сатушылардың тағам өнімдерін сақтау, тасымалдау, сату жағдайларын қатаң сақтау және тұтынушыларды сапасыз тағам өнімдерінен қорғау жөнінде түсіндірме жұмыстарын жүргізу.