Ертегілер еліндегі бір қалада ергежейлілер тұрып жатты. Олар өте кішкене болғандықтан да ергежейлілер атанған-ды. Әр ергежейлілердің бойы шағын қиярдан аспайтын еді. Олардың қаласы өте әдемі болатын. Әр үйдің айналасында маргаритка, түймедағы,
бақбақ гүлдері өсіп тұрды. Мұнда
тіпті көшелерге дейін: Қоңыраугүл
көшесі, Түймедағы аллеясы, Көктікен
бульвары деп гүлдердің атымен аталатын.
Қаланың өзі де Гүл қаласы атауын иеленген.
Қала бұлақтың жағасында қоныс тепкен-ді.
Әлгі бұлақты ергежейлілер екі жағалауында
қияр көп өскендіктен, Қияр өзені деп атап кеткен.
       Өзеннің ар жағында орман бар-ды. Ергежейлілер қайыңның қабығынан қайық жасап, өзеннен жүзіп өтетін де, орманға жидек, саңырауқұлақ, жаңғақ теруге баратын. Жидек теру қиын, өйткені ергежейлілер тым кішкентай болатын; ал жаңғақ алу үшін оларға биік бұталарға өрмелеуге және өзімен бірге араны сүйреп ала шығуға тура келетін. Ергежейлілердің ешқайсысы жаңғақты қолымен үзіп ала алмас еді-олар оны сабағымен аралап қиятын. Саңырауқұлақтыда арамен кесетін.
      Сонымен, Қоңыраугүл көшесіндегі № 12 үйде құртақандай он алты балақан тұрып жатты. Бұлардың ішіндегі ең естісі Білгір атты балақан еді. Ол өте көп білетін болғандықтан да Білгір атанған-ды. Ал оның көп білуіне себеп- әртүрлі кітаптарды көп оқитындығы.
      Әсіресе мынадай бір оқиғадан кейін Білгірдің атағы көпке жайылды.
      Бір жолы Қияр өзенімен бір шөп ағып келеді.
Оны көрген ергежейлі судан сыртқа алып тастайды.
 Шөп сол жерде жатып ұрық шашып, көбейеді.
 Өзі улы шөп болғандықтан қасындағы гүлдерге
 зиянын тигізіп, оларды біртіндеп жоя бастайды.
Жап-жасыл Гүл қалашығы біртіндеп солғын тартып,
ергежейлілердің көңіл күйлері түседі.
      Ол шөп өте зиян еді. Осы кезде Білгір  шөптің улы екенін сезіп, оны жою үшін бар күшін салып іздене бастады. Ол кітаптардан, өзеннің жай-күйі туралы жазылған жазбалардан іздеді, бірақ ешқандай айқын шешім таба алмай қойды. Бір күні ол есіне түсірді, егер бұрынғы ертегілерде табиғаттың күштерін шақыру арқылы қиындықтардан құтылғанын, бәлкім, өзі де сол тәсілге жүгінуі керек екендігі.
      Білгір бірден Гүл қаласының ең қарт ергежейлісі — Аққыз анаға барады. Аққыз ана көп нәрсені білетін, әсіресе табиғаттың тілін түсінетін адам болатын. Ол Білгірге қарап, күлімсіреп: 
— Мына шөптің уынан құтылу үшін бізге үш нәрсе керек, — дейді. — Біріншіден, сендерге табиғаттың тыныштығын қайта орнықтыратын ерекше гүл керек. Екіншіден, осы гүлді суарып, оны қорғап, оның өсіп-жетілуін қамтамасыз ететін сиқырлы су. Үшіншіден, сендерге бірлік пен достық керек, өйткені бұл күштер тек бірге жұмыс істегенде ғана нәтиже береді.
     Білгір дереу іске кірісті. Ол Аққыз ананың айтқанын орындап, Қоңыраугүл көшесінің барлық балақандарын жинады. Олар орманға барып, Аққыз ана айтып берген ерекше гүлді іздеді. Гүл табылған кезде, оны барынша сақтықпен жинап, арнайы сиқырлы су тапты. Су бұлақтың ең терең жерінен, Қияр өзенінің ең таза бұлағынан алынған еді.
     Барлық ергежейлілер бірлесіп, гүлді суарып, оны күтіп-баптай бастады. Гүл тез өсе бастады, оның нәзік жапырақтары шөптің улы әсерін жұтып, жерге түсіргенде шөптің өзі солып, жоғала бастады. Гүл қаласы қайтадан жасыл желекке бөленіп, ергежейлілердің көңіл-күйлері көтерілді. 
     Ал Білгір болса, енді бәріне осы оқиғадан үлкен сабақ алғанын :
— Достық пен бірлік кез келген қиындықтан өтудің кілті. Әрдайым бірге болсақ, бізде шешім табылмайтын мәселе болмайды, — деп айтып жүрді.
     Сол күннен бастап Гүл қаласының барлық ергежейлілері Білгірдің ақылын тыңдап, табиғатпен үйлесімді өмір сүріп, бір-біріне көмектесіп өмір сүрді. Қияр өзенінің жағасында қайтадан гүлдер жайқалып, шаттыққа толы қала бола бастады.

Қызылорда облысы, Шиелі ауданы
№244 Ы.Жақаев атындағы орта мектебінің 7 «Г» сынып оқушысы Санжар
(Суреттер әлеуметтік желіден алынды)