Алматы хайуанаттар бағына жаңғақ апарып, тегін кіруге болады

Алматы хайуанаттар бағында «Жаңғақты күз» науқаны басталды, деп хабарлайды Алматыдағы BAQ.KZ тілшісі. Алматы хайуанаттар бағы әлеуметтік желіде жыл сайын өтетін «Жаңғақты күз» акциясы басталғанын хабарлады.
Науқанға барша қала тұрғындары мен қонақтары қатыса алады. Акция 2024 жылдың 7 қазаны мен 7 қараша күндері аралығында өтеді. 3 келі жаңғақ үшін балалардың бір билеті, 7 келіге ересектер билеті беріледі. Бұл акция арқылы сіздер жануарларды қолдап, қорғауға өз үлестеріңізді қосып, табиғатқа пайдаңызды тигізіп, бос уақыттарыңызды таза ауада тиімді өткізуге мүмкіндік аласыздар. Жануарларға, табиғатқа жақсылық жасап, «Жаңғақты күз» акциясына қатысыңыздар, - деді Алматы хайуанаттар бағының даму жетекшісі Ақжами Рахимова.