Канадалық сарапшы: Садриддин Ахмедов – мен көрген ең үздік жас талант

BoxRec.com сайтының белгілі шолушысы Филипп Сен-Мартен қазақстандық боксшы Садриддин Ахмедовке өз бағасын берді, деп хабарлайды Prosports.kz. 
Ахмедов бүгін мексикалық Абрахам Хуаресті жеңіп, WBC чемпиондық белбеуін иеленген болатын. 
«Мен үшін қазір Садриддин Ахмедов – мен көрген ең үздік жас талант. Ол болашақ әлем чемпионы бола алады. Алдағы екі-үш жылда ол көп шу шығарады деп ойлаймын. Бүгін кешке осы бағытқа қарай тағы бір қадам жасай алар ма екен, көрерміз», - деп жазды ол жекпе-жекке дейін. 
«Бокс фанаттары, назар аударыңдар, жақын арада бәрің Садриддин Ахмедовтың есімін еститін боласыңдар», - деп жазды канадалық сарапшы Хуареске қарсы жекпе-жектен кейін.