Қазақстандық боксшы Әли Ахмедов оныншы мәрте жеңіске жетті

Қазақстандық боксшы Әли Ахмедов кәсіпқой рингтегі кезекті жеңісіне қол жеткізді.Америкалық Раунд Рокта өткен бокс кешінде қазақстандық былғары қолғап шебері Әли Ахмедов жергілікті Дешон Уэбстермен жұдырықтасты. Бұған дейін қос боксшы да жеңілмеген болатын. Он  раундқа жоспарланған жекпе-жек нокдаунсыз өтті. Жекпе-жек соңында төрешілер жеңісті Ахмедовке берді.
Бұл Әли Ахмедовтың кәсіпқой бокстағы оныншы жеңісі болып табылады.