Бразилиялықтың өзі де қайтуды сұрап отыр. 
Каталондық "Барселонаның" жаңа жартылай шабуылшысы Френки де Йонг франциялық "Пари Сен-Жерменге" өтіп кетуі мүмкін еді. 
AS.com ақпараты бойынша, 21 жастағы голландиялық "Барслеона" мен ПСЖ арасында таңдау жасап жүрген. Ақыры Йонгтің шешіміне Неймардың пікірі әсер еткен. 
Мәлімет бойынша, каталондықтар келіссөз кезінде де Йонгқа Неймардың клубқа жолдаған хатын көрсеткен. Онда бразилиялық Франция чемпионатындағы бәсекеге қабілеттілігінің төмендігі, қарсыластарының қатаңдығы мен өзіне күн-райының жақпайтына шағымаданған. Сонымен бірге, Неймар "Барселонадан" ПСЖ-ға ауысқанда қателік жасағанын жазған екен. Мұның бәрі голландиялық футболшының клуб таңдауына әсер еткен көрінеді. 
"Барселона" Йонгтің тарнсфері үшін 75 миллион еуро беруге келісті. Бұл сомма үстемелер себебінен тағы 11 миллионға артуы мүмкін. Каталондықтар сапына футболшы жазда ауысады, маусымның оған дейінгі бөлігін "Аякста" өткізеді.