ТАЭКВОНДОДАН ТАҒЫ ДА ЖЕҢІС
Шиелілік жас спортшы қыздар Астана қаласында өткен республикалық турнирде бақтарын сынап, елге жүлдемен оралды.
Бірнеше күн бұрын таэквондодан Астана қаласы әкімінің кубогы үшін дода өткен болатын. Оған 11 жастағы жас жеткіншектер Торғын Әлімхан 28 келі салмақта, Сағынай Кенжебаева 24 келі салмақ дәрежесінде қатысты. Нәтижесінде қос спортшы бүлдіршін де І орынды жеңіп алды. Жаттықтырушылары Сүндетхан Смаиловтың айтуынша талантты қыздар үйірмеге қатысқан аз ғана уақыттың ішінде үлкен нәтижелерге қол жеткізіп келеді екен.
«Өскен өңір» ақпарат.
