АСТАНА. ҚазАқпарат - Алматыда еркін күрестен Президент күніне арналған халықаралық матчтық кездесу аяқталды, деп хабарлайды ҚазАқпарат Ұлттық олимпиада комитетіне сілтеме жасап. Кубоктік форматта өткен белдесулерге Қазақстаннан бөлек, АҚШ, Украина, Өзбекстан, Ресей және Иран балуандары қатысты. Кездесу нәтижесі бойынша Қазақстан құрамасы үздік шығып, жеңімпаз атанды. Екінші орынға - Ресей, үшінші орынға Украина құрамалары орналасты.