Бүгін Қытайдың астанасы – Бейжіңде үстел теннисінен «China Youth Smash 2025» турнирі басталды, деп хабарлайды Egemen.kz. Бұл жарыста 19 жасқа дейінгі ойыншылар бақ сынап жатыр. Солардың қатарында жастардың әлемдік рейтингінде жоғары сатыларға жайғасқан Ким Гаон (Оңтүстік Корея, №3), Ли Сынсу (Оңтүстік Корея, №4), Рюсей Каваки (Жапония, №5), Ли Хэчэн (Қытай, №7), Чан Ю Ан (Тайпей, №10), Вен Жуйбо (Қытай, №11), Шунто Иваида (Жапония, №15) және басқа танымал спортшылар бар. Аспанасты елінде Қазақ елі намысын Алан Құрманғалиев қорғайды. Рейтингте 9 орында тұрған қандасымыз Тайпей, Сингапур және Гонконгтың өкілдерімен бір топта өнер көрсетеді.