Өскен өңір Osken-onir.kz ақпараттық агенттігі
» » ҰЛТТЫҚ СПОРТ ТҮРЛЕРІНЕН САЙЫС ӨТТІ

ҰЛТТЫҚ СПОРТ ТҮРЛЕРІНЕН САЙЫС ӨТТІ

Шиелі аудандық қоғамдық даму бөлімінің әлеуметтік жобасы аясында ағымдағы жылдың 20 маусым күні Құрбан айт мерекесіне орай Шиелі аудандық спорт клубында ұлттық спорт түрлерінен сайыс ұйымдастырылды.
Жарысты қоғамдық даму бөлімінің басшысы К.Есенбаев сөз сөйлеп, ашып берді. Аудан тұрғындарының арасында өткен тартысты бәсекеге кент және ауылдық округтерден 10 команда қатысты.
Жүлделі орын иеленген командалар мен сайысқа белсене қатысушылар диплом, алғыс хатпен марапатталып, қаржылай сыйлықтар берілді.
Барлық спорт түрінен оқ бойы озып шыққан Бестам ауылынан «Досман қажы» мешіті командасы І орынды иеленіп, 100 000 мың теңгелік қаржылай сыйлықпен марапатталды.
ІІ орынды иеленген Телікөл ауылы «Телікөл мешiтi» командасына 70 000 теңге, ІІІ орынды жеңіп алған Тұран ауылы «Парманқұл-Халфе» мешіті командасына 50 000 мың теңге және қалған қатысушы барлық командаларға 15 000 теңгеден ынталандыру сыйлықтары табысталды.
21 маусым 2024 ж. 212 0