Қазақстан боксшыларының Сербия турниріндегі қарсыластары белгілі болды
Нұр-Сұлтан, BAQ.KZ. Сербияда өтіп жатқан халықаралық Београдски Победник турниріндегі Қазақстан құрамасы боксшыларының қарсыластары белгілі болды, деп хабарлайды Prosports.kz.
Турнирде алтын жүлдеге Олжас Байниязов (54 келіге дейін), Мұхамедсабыр Базарбайұлы (63,5-ке дейін) және Иляр Әшіров (75-ке дейін) таласады. Олар Сербия және Марокко боксшыларымен кездеседі. 
Финалға шыққан үш үміткерден бөлек тоғыз қазақстандық қола жүлде иеленді.
Қазақстандықтардың қатысуымен өтетін финал: 54 келіге дейін Олжас Байниязов (Қазақстан) – Тамир Галанов (Сербия) 63,5 келіге дейін Мұхамедсабыр Базарбайұлы (Қазақстан) – Абдельхак Надир (Марокко) 75 келіге дейін Иляр Әшіров (Қазақстан) – Йован Николич (Сербия).
