17 жастағы қақпашы мен шабуылшы Чемпиондар лигасында рекорд орнатты
УЕФА Чемпиондар лигасының соңғы алтыншы турының алғашқы күні өтіп, плей-офф кезеңіне жолдама алған алты ұжым анықталды. Алтыншы турда "Генктің" қақпасын қорғаған Мартен Вандервордт Чемпиондар лигасының тарихындағы ең жас қақпашы атанды. Ол 17 жаста (287 күн). Сондай-ақ "Интер" қақпасына гол соққан "Барселона" ойыншысы Ансу Фати турнир тарихындағы ең жас гол авторы атанды. Чемпиондар лигасының 1/8 финалына ағылшынның "Ливерпуль" және Испанияның "Валенсия" командалары өз топтарынан бірінші орынмен шықты. "Наполи", "Боруссия" (Дортмунд), "Лион" және "Челси" болса екінші орын алып, плей-оффқа жолдаманы жеңіп алды. Бұған дейін англиялық "Манчестер Сити" мен "Тоттенхэм", испаниялық "Реал" мен "Барселона", франциялық ПСЖ, италиялық "Ювентус" және немістің "Бавария" мен "РБ Лейпциг" командалары плей-офф кезеңіне өткен болатын. Осылайша Чемпиондар лигасының 1/8 финалына шығатын 16 команданың 14-нің есімі белгілі.
massaget.kz
