Кездесуде алдағы референдумның мән-маңызы, онан күтілетін нәтижелер жайы талқыланды.

«Конституцияға енгізілетін түзетулер билік тармақтары арасындағы қарым-қатынастардың оңтайлы тепе-теңдігін қалыптастыруға сонымен қатар азаматтардың конституциялық құқықтарын қорғауды күшейтуге негізделіп отыр. 

Президентіміз ұсынған оң өзгерістер мен реформалардың іске асуына, Жаңа Қазақстанның қалыптасуына үлес қосу – әрқайсымыздың негізгі азаматтық парызымыз. Сондықтан саяси науқанға барлығымыз белсенділік танытып, болашақтың іргетасын бірге қалауымыз керек» деді штаб мүшесі Бақытбек Смағұл.

Сондай-ақ, кездесуге облыстық штаб мүшесі Нұриддин Әмитов пен аудандық штаб мүшелері қатысып, алдағы референдум – жекелеген топтарды күшейтуді емес, мемлекетімізді жетілдіру, жаңғырту және нығайтуды көздейтіндігін жеткізіп, 5 маусымда дауыс беруге шақырды. 

Жиында колледж қызметкерлері өз ұсыныстарын жеткізіп, жалпыұлттық референдум өткізу бастамасын қолдайтындарын және Жаңа Қазақстан құру жолындағы біркісідей атсалысатындарын айтты.