А.ж. 29 қазанда сыбайлас жемқорлықтың алғышарттарын жоюға бағытталған «Халық үніне құлақ асатын мемлекет» тұжырымдамасын іске асыру аясында Сыбайлас жемқорлыққа қарсы іс-қимыл агенттігінің төрағасы А. Шпекбаев Павлодар облысына екі күндік жұмыс сапарымен келді.
Агенттік төрағасының жұмыс сапары Екібастұз қаласынан басталды. Онда ол «Павлодар облысы бойынша Азаматтарға арналған үкімет» МК КЕАҚ филиалының бөлімдеріне, қалалық сервистік әкімдікке, сондай-ақ Мемлекеттік кірістер басқармасына барды.

Облыс әкімі Ә. Сқақовпен бірге Қалқаман кентінің «Ашық әкімдік» фронт-кеңсесіне барды. Бұл мекеме әлеуметтік мәселелер бойынша 8 мемлекеттік қызмет көрсететін Павлодар облысындағы алғашқы ауылдық фронт-кеңсе. Тәжірибе көрсетіп отырғандай, бұл фронт-кеңселер азаматтарға қолайлы жағдайда мемлекеттік қызметтерді жедел және сапалы көрсетуге мүмкіндік береді. Осыған орай, облыстың мыңнан астам тұрғыны бар елді-мекендерінде осындай орталықтар ашу жоспарланып отыр.

Одан әрі Агенттік төрағасы Ақсу қаласы әкімдігінің «Open Aksu» жұмыс барысымен танысты. Айта кету керек, аталған орталықта 83 мемлекеттік қызмет көрсетіледі, оның 93,8%-ы электронды түрде. Биылғы жылдың басынан бастап әкімдікке мемлекеттік қызметтер бойынша кеңес алуға 3 мыңнан астам азамат жүгінді.

А. Шпекбаев Екібастұз, Ақсу қалаларында және Қалқаман кентінде болып, тұтынушыға бағдарлану, ашықтық және ашықтық қағидаттарына негізделген мемлекеттік мекемелерді трансформациялау бойынша жүргізіліп жатқан жұмысқа оң бағасын берді.

«Мен барлық жерде стандарттың бірдей екеніне және азаматтарға жағдай жасалғанына көз жеткіздім. Сапалы мемлекеттік қызметтер – тұрмыстық жемқорлықты жоюдың кепілі. Оларды алу үшін қолайлы жағдай жасау – мемлекеттік аппаратқа деген сенімді арттыру тұрғысынан бірінші кезектегі міндет», – деп атап өтті Сыбайлас жемқорлыққа қарсы қызмет басшысы.

Жұмыс сапарының екінші күні Агенттік төрағасы цифрландыруды белсенді енгізіп жатқан бірқатар әлеуметтік және білім беру ұйымдарына барады. Сондай-ақ, ол облыс әкімі Ә. Сқақовпен бірге жұртшылықпен кездесуге қатысып, азаматтарды қабылдайды.