Қазақстан Республикасының Президенттігіне үміткер Әміржан Қосановтың сайлауалды штабы өз жұмыстарын жүргізді. Кандидаттың сенімді тұлғалары Ақтөбе қаласында сайлаушылармен кездесу өткізді.
Кездесудің модераторлығын облыстық сайлауалды штабының басшысы Италиев Айтқали атқарды. Кездесу барысында платформаның негізгі бағыттары талқыланып, жұмыскерлермен қарапайым тұрғындар өз пікірлерін ортаға салды. Пікірлесу барысында қатысушылардың өзекті сұрақтарына штаб мүшелері жауап берді.
Сондай-ақ, Қазақстан Республикасының Президенттігіне үміткер Әміржан Қосановтың сайлауалды штабы Нұр-Сұлтан қаласында үгіт-насихат жұмыстарын жүргізді. Абай көшесі мен Республика даңғылында орналасқан үйлердің аулаларын аралап, сайлаушыларға үгіт-насихат материалдарын таратты.