40 МИНУТ БОЙЫ ҚАР КӨШКІНІНІҢ АСТЫНДА ҚАЛЫП ҚОЙҒАН БАЛА ҚҰТҚАРЫЛДЫ
Францияда құтқарушылар қар көшкінінің астында қалып қойып, 40 минут бойы қар астында жатқан 12 жастағы баланы құтқарды. Бала ата-анасымен бірге Ла-Плань курортында шаңғы теуіп жүрген. Сол уақытта қар көшкен. Оқиға орнына дереу жеткен құтқарушылар баланы арнайы үйретілген иттің көмегімен тапқан. Баланың аман қалуын ғажайып деуге болады. Әдетте қар көшкінінің астында қалған адамдар 15 минуттан соң көз жұмады. Ал бұл баланың тек аяғы сынған. Қазір ол дәрігерлердің бақылауында.
Дереккөз: ТАСС
