Үлкен ұлын үйлендіріп, ене атанған Ақбота Керімбекова алғашқы күйеуін көпшілікке көрсетті. Әнші екі үлкен баласының әкесі Шалқарды тойға шақырыпты.

Ұлы мен келініне ақ батасын берген әнші мейрамхана ортасында тұрған бірінші күйеуі Шалқарды көпшілікке өзі таныстырды.
«Жандарым, балапандарым! Шалқар, бүгін келгеніңізге сізге рахмет! Не дегенмен ұлыңыз ғой, енді. Өмір ғой бәрі. Қайын сіңлілерім, қайныларым, енем келіп жатыр. Мен шынымен қуаныштымын. Сол себептен айыптамаңыздар. Шалқар менің екі ұлымның әкесі. Қандай жағдай болса да балаларымның әкесі төрімде тұрады», — деді Ақбота Керімбекова.
Естеріңізге сала кетейік, 15 ақпан күні әнші келіні Әйгерімнің құлағына сырға салып, құдалық өткенін айтқан болатын.
Ал 18 ақпан күні әнші келінінің бетін Өмірқұл Айниязовқа аштырды.
19 ақпан күні өткен әншінің қуанышында Гауһар Әлімбекова ән шырқады.
Сондай-ақ Ақбота Керімбекова тұңғыш ұлы Біржанның үйлену тойын дүркіретіп өткізді.