Ақмолалық жас ғалымдар бидайдың жаңа сұрпын шығарды
Қазақстанда аграрлық ғылым саласында еңбек ететін жастардың үлесі артып келеді. Дәнді-дақылдарды зерттеп, жаңа отандық сұрып жасап шығарып жатқан мамандар Ақмола облысында жетерлік. Бараев ғылыми-өндірістік орталығы – астық шаруашылығын зерттейтін еліміздегі ең ірі институттың бірі. Қазір мұнда 300-ге тарта адам еңбек етуде. Ғылыми қызметкерлердің 70 пайызы жастар. Олар осы күні дәнді-дақылдың 17 түрін зерттеп, жаңа сорттар ойлап табуда. Былтыр мұндағы жас мамандар «Дамса» деп аталатын бидайдың жаңа сортын жасап, өндіріске енгізіпті. Руслан Жылқыбай, А.И.Бараев атындағы ҒӨО зертхана меңгерушісі: - Селекционер болған соң мақсатым – жаңа сұрып шығару және оны Қазақстанда пайдалану. Бізде қатты бидай Солтүстік Қазақстан мен Ақмола облысында дамыған. Біз Қостанай облысы, Қарағанды облыстарына шықсақ дейміз.
www.24.kz
