Elbasymyz «Uly dalanyń jeti qyry» atty tereń mazmundy, taǵylymy mol maqalasyn jariialap, qalyń jurtshylyqty bir serpiltip tastady. Tarihymyzdyń jeti qyryn atai otyryp, Nursultan Nazarbaev ótkenimizdi tarih tuǵyrynan baǵamdap, tereń zerdeleýge úndep otyr. Rýhani jańǵyrýmen astasyp, bolashaqty baǵdarlaýǵa baǵyttalǵan atalmysh maqala myqty dalalyq órkenietimizdiń bar ekenin álemge tanytýdyń taptyrmas múmkindigi bolmaq. Bul rette Memleket basshysy aitqan uly dalanyń uly esimderin ulyqtaýdy qolǵa alýdyń ózi ulylyq. «Mysaly, ótken dáýirlerdegi Týtanhamon, Konfýcii, Eskendir Zulqarnaiyn, SHekspir, Gete, Pýshkin jáne Djordj Vashington siiaqty dúniejúzine belgili tulǵalar búginde «óz memleketteriniń» baǵa jetpes simvoldyq kapitaly sanalady, ári sol elderdiń halyqaralyq arenada tiimdi ilgerileýine septigin tigizip otyr. Uly dala ál-Farabi men IAssaýi, Kúltegin men Beibarys, áz-Táýke men Abylai, Kenesary men Abai jáne basqa da kóptegen uly tulǵalar shoǵyryn dúniege ákeldi. Sondyqtan, biz birinshiden, ataqty tarihi tulǵalarymyz ben olardyń jetistikteriniń qurmetine ashyq aspan astynda eskertkish-músinder qoiylatyn «Uly dalanyń uly esimderi» atty oqý-aǵartý enciklopediialyq saiabaǵyn ashýymyz kerek» – dedi. Osydan-aq, ótkenimizdi óshirmei, urpaq jadynda jańǵyrtýdy kózdegenin baiqaýǵa bolady. Óitkeni, damyǵan elder neshe myńjyldyq tarihymen, túrli tarihi filmderimen maqtanady.
Uly dalanyń jeti qyrynyń kez kelgeni qazaq eliniń ómirindegi erekshe mura. Atqa miný mádenieti, ejelgi metall óndirý men óńdeý tehnologiiasy, óz jazýy men mifologiiasy bar ozyq mádenietti qazaq eliniń rýhani bailyǵynyń aishyqty belgisi – «ań stili óneri», búkil álemdi tamsandyrǵan Dala órkenietiniń jádigeri – «Altyn adam» jaýyngeri, túrki áleminiń besigi sanalatyn Altaidan bastaý alatyn Túrki tarihy, álemdik ekonomikanyń órkendenýine septigin tigizgen – Uly Jibek joly júiesi, qazaq eliniń ulttyq brendine laiyqty alma men qyzǵaldaqtar, elimizdiń aýmaǵynda oryn alǵan tarihi jáit qana emes, sonymen qatar árbir qazaqstandyq úshin de asa qymbat qundylyqtar bolyp tabylady.


Janbibi Sahibekova,
№270 Ǵ.Muqamedjanov atyndaǵy orta mektebi direktorynyń tárbie isi jónindegi orynbasary, qazaq tili men ádebieti pániniń muǵalimi.