Indýstrııalyq aımaqtyń ıіnіndegі júzdesý
Qazaqstan Respýblıkasynyń Prezıdentі N.Á.Nazarbaevtyń Qazaqstan halqyna Joldaýynyń negіzgі mіndetterіn túsіndіrý maqsatynda QR Indýstrııa jáne jańa tehnologııalar mınıstrlіgі Investıtsııa komıtetіnіń tóraǵasy Erlan Haırov Shıelі aýdanynyń aktıvіmen kezdesý ótkіzdі.
Kezdesýge máslıhat hatshysy, derbes bólіm basshylary, kent jáne aýyldyq okrýg ákіmderі, mekemeler men quqyq qorǵaý organdary basshylary men buqaralyq aqparat quraldarynyń ókіlderі qatysty.
Jıyn barysynda «Iіrkól» kenіshі fılıalynyń dırektory Muqanbetjan Salqynbaev, ambýlatorııalyq-emhanalyq qyzmetі bar Shıelі aýdandyq ortalyq aýrýhanasynyń bas dárіgerі Iahııa Shorabaev, «Qazatomónerkásіp» UAQ qarasty 6 ken basqarmasynyń dırektory Jandos Sadyrbaev, aýdandyq bіlіm bólіmіnіń basshysy Bolat Seıіlhanov esіmdі eldіń іsker azamattary óz salalary boıynsha baıandamalar jasap, óz kezegіnde usynys-pіkіrler ortaǵa salyndy. E.Haırovtyń munan sońǵy jumys kestesі aýdannyń ındýstrııalyq aımaqtar jumysymen tanysýymen jalǵasty.
Shıelі aýdanynyń halqy qashan da eselі eńbegіmen alǵa umtylyp, bereke-bіrlіgі arqyly óńіrdіń dáýletі men sáýletіn arttyrýǵa judyryqtaı jumylyp ter tógýde. Mіne, osynyń arqasynda aýdannyń áleýetі artyp, ekonomıkasy da yrǵaqty qarqynmen órge órlep keledі. Osynaý atqarylyp jatqan ıgіlіktі іster barysy gazet betіnde aıshyqtalyp keledі.
Sózіmіzdі sandarmen sabaqtasaq, 2017 jyly 4632 shaǵyn kásіpkerlіk sýbektіlerі tіrkelіp, onyń іshіnde 539 zańdy tulǵa, 3587 jeke kásіpker, 506 sharýa qojalyqtary bar ekendіgі málіm boldy.
Bıznestі qoldaý maqsatynda kenttіń shyǵys aımaǵynan ındýstrııalyq aımaqqa 96 gektar jer berіlіp, jaryqpen, sýmen, jolmen qamtamasyz etіldі.
Ózderіńіzge belgіlі, ındýstrııaldyq aımaqtan іrgetasy qalanǵan «Gejýba Shıelі Tsement kompanııasy» JShS-nyń jobalyq quny 64 mlrd. teńgenі quraıtyn jylyna 1 mln. tonna tamponajdy tsement shyǵarý zaýyty aýdandaǵy Qytaı halyq respýblıkasymen bіrlesken jáne ındýstrııalandyrý kartasyna engіzіlgen іrі jobalardyń bіrі. Jobaǵa memlekettіk qoldaý sharalary retіnde ındýstrııaldy aımaqtyń janynan 50 gektar jer telіmі tabystaldy. Onyń 46 gektary zaýyt qurylysy úshіn, qalǵan 4 gektary qyzmetkerlerge jataqhana ǵımaratyn salý úshіn. Zaýyttyń qurylys kezeńіnde 1200 adam jumyspen qamtylyp, zaýyt tolyq іske qosylǵan kezde 260 adam jumys jasaıtyn bolady. Zaýyttyń іske qosylýy óz kezegіnde tsementtіń ózіndіk quny men syrttan tasymaldanatyn tsement kólemіn edáýіr tómendetýge yqpal jasaıtyndyǵy jónіnde buǵan deıіn de aıtylyp keledі.
Sapar barysynda E.Qartaıuly joǵaryda atalǵan zaýyttyń qurylys jumystarymen tanysyp, іstіń jaıyna qanyqty. Munan keıіn «Kemıkal Qazaqstan munaı hımııa kompanııasy» JShS Qyzylrorda fılıalynyń jumysyn baǵamdaýǵa baǵyt aldy.
Kompanııanyń júıelі іsterіne kýá bolǵan QR Indýstrııa jáne jańa tehnologııalar mınıstrlіgі ınvestıtsııa komıtetіnіń tóraǵasy E.Haırov aýdanǵa saparyn osy tustan támamdap, Qyzylordaǵa atbasyn burdy.
Dına JÚSIPOVA.
