Қазақстанда Үкіметтің «Фильтрлі, фильтрсіз темекі және папиростардың ең төмен бағасын бекіту туралы» қаулысына енгізілген өзгерістер 2018 жылдың 1 қаңтарынан бастап күшіне енді. Соған сәйкес елімізде темекі бағасы 20 теңгеге қымбаттады. 2018 жылдың 1 қаңтарынан бастап 31 маусымға дейін фильтрлі, фильтрсіз темекі және папиростардың минималды бағасы 20 теңгеге қымбаттап, 340 теңге болды, ал 2018 жылдың 1 шілдесінен 31 желтоқсанына дейін 360 теңгеге өседі. 2019 жылдың 1 қаңтарынан бастап 380 теңге болады. Айта кетейік, 2017 жылдың 31 желтоқсанына дейін темекі бағасы 320 теңге болған.